چنیوٹ(نیشنل ٹائمز) اوپن مارکیٹ میں گندم 32 سوروپے من فروخت ہونے لگی، مڈل مینوں نے ذخیرہ کرنا شروع کر دی دو ماہ بعد مہنگے داموں فروخت کی جائے گی، کسانوں نے پنجاب حکومت سے جلد از جلد گندم کی خریداری شروع کرنے کا مطالبہ کر دیا بتایا گیا کہ حکومت کی جانب سے گندم کی نئی فصل کی قیمت39 سو روپے من مقرر کی گئی تھی جسے کسانوں نے ناکافی قرار دے دیا تھا دوسری جانب گندم کی نئی فصل پندرہ روز سے مارکیٹ میں آ چکی ہے جبکہ پنجاب حکومت کی جانب سے سرکاری طور پر کسانوں سے گندم کی خریداری کا عمل شروع نہ ہو سکی جسکا فائدہ غلہ منڈیوں کے تاجر اور مڈل مین اٹھا رہے ہیں اور اس وقت اوپن مارکیٹ میں گندم 32 سو روپے من فروخت ہو رہی ہے کسانوں کا کہنا ہے کے غلہ منڈیوں میں گندم سرکاری نرخوں سے کم قیمت پر فروخت کر کے ہمیں مالی خسارے کا سامنا ہے پنجاب حکومت کسانوں کو جلد از جلد باردانے کی فراہمی ممکن بنائے اور سرکاری نرخوں پر گندم کی خریداری شروع کی جائے