سڈنی(شِنہوا) نیوزی لینڈ کے شمال مشرقی علاقے میں آنیوالے زلزلوں کے ایک سلسلے کے بعد آسٹریلیا کے جزیرے نورفولک کیلئے سونامی کا انتباہ جمعہ کے روز سہ پہر کے وقت تک برقرار رہا۔زانورفولک جزیرہ آسٹریلوی سرزمین سے تقریباً 1 ہزار 450 کلومیٹر مشرق اور نیوزی لینڈ کے شمالی سرے سے کم و بیش 1 ہزار 100 کلومیٹر شمال مغرب میں واقع ہے۔آسٹریلوی محکمہ موسمیات بیورو (بی او ایم) کے مطابق جمعہ کی صبح نورفولک جزیرے میں سمندر کی سطح میں 64 سینٹی میٹر اضافے کے ساتھ سونامی کی سرگرمیاں ریکارڈ کی گئی ہیں۔
محکمہ موسمیات بیورو نے ایک بیان میں کہا کہ سونامی کی لہریں اتنے ہی سائز کی ساحلی لہر سے کہیں زیادہ طاقتور ہیں۔ یہ اونچائی کےعلاوہایک طاقت ہے جو سونامی کی لہروں کو تباہ کن بناتی ہے لہٰذا تیراکی اور کشتی رانی کرنے والوں کیلئے خطرہ ہے۔بہت سی لہریں ہو سکتی ہیں اور ہو سکتا ہے کہ پہلی لہر سب سے بڑی نہ ہو ۔ یہ خطرہ کئی گھنٹوں تک برقرار رہنے کی توقع ہے۔