لاہور(آئی این پی ) منی لانڈرنگ کیس میں لیگی رہنما خواجہ آصف کی ضمانت بعد از گرفتاری کی درخواست سماعت کے لئے مقرر ہو گئی۔ تفصیلات کے مطابق لاہور ہائیکورٹ میں منی لانڈرنگ کیس میں مسلم لیگ ن کے رہنما خواجہ آصف کی ضمانت بعد از گرفتاری کی درخواست سماعت کے لئے مقرر کر لی گئی، عدالت کا 2 رکنی بنچ 4 مئی کو سابق وزیر دفاع خواجہ آصف کی درخواست پر سماعت کرے گا، درخواست پر جسٹس عالیہ نیلم اور جسٹس فاروق حیدر پر مشتمل 2 رکنی بنچ سماعت کرے گا۔ سابق وزیر وداع کی درخواست پر گذشتہ تاریخ پر بینچ کے ایک رکن کی عدم دستیابی کی وجہ سے سماعت نہیں ہوسکی تھی، خواجہ آصف نے آمدن سے زائد اثاثوں کے کیس میں ضمانت کی درخواست دائر کررکھی ہے، لیگی رہنما خواجہ آصف جوڈیشل ریمانڈ پر جیل میں ہیں۔