کراچی (نیشنل ٹائمز) معروف اداکارہ یشما گل کا کہنا ہے کہ خواتین کے ساتھ ساتھ مرد بھی جنسی ہراسانی اور تشدد کا شکار ہوتے ہیں۔ گزشتہ روز یشما گل نے انسٹاگرام اسٹوریز میں کہا مرد بھی جنسی تشدد کا شکار ہوسکتے ہیں۔ حالانکہ مرد اور لڑکے تشدد کے مرتکب افراد کی ایک بڑی اکثریت ہیں لیکن وہ بھی تشدد کا نشانہ بنتے ہیں۔ مردوں کو اکثر نہ صرف پریشان کیا جاتا ہے بلکہ جنسی طور پر ہراساں بھی کیا جاتا ہے ۔واضح رہے کہ دو سال قبل پاکستان کے معروف فلمساز جامی نے انکشاف کیا تھا کہ انہیں میڈیا کے ایک طاقتور شخص نے 13 سال قبل جنسی زیادتی کا نشانہ بنایا تھا جس کے بعد کئی برس تک انہیں نفسیاتی اور سماجی مسائل کا سامنا رہا تھا