ممبئی (نیشنل ٹائمز) متنازعہ بھارتی اداکارہ راکھی ساونت نے اپنی والدہ کی قسم کھاتے ہوئے کہا ہے کہ انہوں نے حقیقت میں رتیش نامی شخص سے شادی کی ہے۔بھارتی میڈیا رپورٹس کے مطابق راکھی ساونت نے اپنے حالیہ انٹرویو میں اپنی ازدواجی زندگی سے متعلق گفتگو کرتے ہوئے کہا کہ میرے لیے میری ماں سے بڑھ کر کوئی نہیں ہے اور میں ان کی قسم کھا کر کہتی ہوں کہ میں شادی شدہ ہوں اور میں نے رتیش سے ہی شادی کی ہے۔راکھی ساونت نے کہا کہ مجھے نہیں معلوم کہ میں اپنی ازدواجی زندگی کے کونسے مقام پر موجود ہوں کیونکہ لاک ڈان کی وجہ سے رتیش سے ملاقات نہیں ہو رہی ہے۔انہوں نے مزید کہا کہ رتیش اس وقت کینیڈا میں موجود ہیں اور لاک ڈان کی وجہ سے ہم دونوں میں کوئی بھی فی الحال ہوائی سفر نہیں کرسکتا ہے۔