اسلام آباد(نیشنل ٹائمز)پاکستانی اسٹار فواد خان نے انکشاف کیا ہے کہ اُنہوں ایوارڈ شوز پسند نہیں ہیں۔ فواد خان نے اپنے ایک حالیہ انٹرویو میں ایوارڈ شوز کے بارے میں اپنی رائے کا اظہار کرتے ہوئے کہا کہ مجھے ذاتی طور پر ایوارڈ شوز پسند نہیں ہیں۔اُنہوں نے پاکستان کے تمام بڑے ایوارڈ شوز پر راج کرنے کے باوجود بھی اس طرح کے شوز کے لیے اپنی ناپسندیدگی کی وضاحت دیتے ہوئے کہا کہ’ مجھے لگتا ہے کہ ایوارڈ شوز باصلاحیت اداکاروں کو ایک دوسرے کے خلاف کھڑا کرنے کے علاوہ کچھ بھی نہیں کرتے اور اس چیز سے وہ اتفاق نہیں کرتے‘۔اُنہوں نے مزید کہا کہ’ایوارڈ شوز میں کئی بار بہت اچھی پرفارمنسز کو صرف اس لیے بھی نظر انداز کردیا جاتا ہے کہ اُنہیں زیادہ پذیرائی نہیں ملی جبکہ زیادہ پذیرائی حاصل کرنے والی پرفارمنسز کو سراہا جاتا ہے‘۔فواد خان نے اپنے انٹرویو میں دنیا بھر سے اس طرح کے ایوارڈ شوز کی مثالیں بھی دیں جہاں ایسا رویّہ دیکھنے میں آیا ہے۔