اسلام آباد(نیشنل ٹائمز)بالی وڈ سمیت پاکستانی شوبز انڈسٹری میں بھی شاید ہی کوئی اداکارہ ہو جو بغیر میک اپ اسکرین پر آنا پسند کرے لیکن کیا آپ جانتے ہیں کہ بالی وڈ پر ایک عرصے تک راج کرنے والی رانی مکھرجی نے ایک پوری فلم ہی بغیر میک اپ کے کی تھی؟رانی مکھرجی نے 2018 میں اپنے فلمی کیرئیر کا سب سے یادگار قصہ مداحوں کے گوش گزار کیا۔اداکارہ نے بتایا کہ 2000 میں ریلیز ہونے والی فلم ‘ہے رام’ کی عکسبندی کے وقت جب میں سیٹ پر پہنچی تو فلم کے ڈائریکٹر کمال ہاسن جو کہ فلم میں اداکار بھی تھے، نے مجھ سے کہا جاؤ اور منہ دھو کر آؤ۔رانی مکھرجی نے عامر خان سے محبت کا اعتراف کرلیارانی نے کہا ‘میں یہ سنتے ہی چونک گئی اور ایسا لگا جیسے میرے کانوں نے کچھ اور سنا ہے، میں نے سوال کیا آپ کیا کہہ رہے ہیں؟ جس پر کمال ہاسن نے کہا باتھ روم جائیں اور منہ دھو کر آئیں، اپنا میک اپ اتاریں’۔انہوں نے کہا ‘میں گئی ہلکا سا منہ دھویا اور بالکل ہلکا سا ہی فیس پاؤڈر لگاکر آگئی، کمال ہاسن نے دیکھتے ہی کہا رانی جاؤ اور صابن سے منہ دھو کر آؤ، میں نے یہ سن کر 5 مرتبہ ان سے پوچھا آپ واقعی ایسا چاہتے ہیں؟’