اسلام آباد(نیشنل ٹائمز)بھارتی ماڈل و معروف ڈانسر اروشی روٹیلا نے پاکستانی فاسٹ بولر نسیم شاہ کے ساتھ ایڈٹ کی گئی ویڈیو اپنے سوشل میڈیا اکاؤنٹ پر پوسٹ کرنے کی وجہ بتادی ہے۔اداکارہ اروشی روٹیلا کی جانب سے اپنے سوشل میڈیا اکاؤنٹ انسٹاگرام اسٹوری پر نسیم شاہ کے ساتھ ویڈیو شیئر کرنے پر وضاحت دی گئی ہے۔اروشی روٹیلا نے اپنی پوسٹ میں لکھا ہے کہ کچھ دن قبل میری ٹیم نے فینز کی جانب سے ایڈیٹ کی گئی تمام خوبصورت ویڈیوز (11 سے 12) شیئر کیں جن سے متعلق مجھے خبر نہیں تھی کہ ویڈیوز میں کون لوگ ہیں، میری میڈیا سے درخواست ہے کہ برائے مہربانی کسی بھی قسم کی خبریں بنانے سے گریز کریں۔واضح رہے کہ کچھ دن قبل اداکارہ اروشی روٹیلا نے فاسٹ بولر نسیم شاہ کے ساتھ ایک فین پیج سے ایڈیٹ شدہ ویڈیو اپنے انسٹاگرام اکاؤنٹ کی اسٹوری پر شیئر کی تھی۔بھارتی اداکارہ اروشی روٹیلا کے بارے میں نسیم شاہ نے کیا کہا؟واضح رہے کہ اروشی روٹیلا کی یہ پوسٹ نسیم شاہ کے بیان کے بعد سامنے آئی ہے۔اس سے قبل نسیم شاہ نے حال ہی میں اروشی روٹیلا سے متعلق بیان دیا تھا کہ مجھے نہیں معلوم کہ اروشی روٹیلا کون ہے، میں اپنے کھیل پر فوکس رکھتا ہوں، مجھے تو معاملے کا علم ہی نہیں اور فی الحال میرا ارادہ صرف اچھی کرکٹ کھیلنے کا ہے۔