لاہور (نیشنل ٹائمز )سول ایوی ایشن نے سفری پابندیوں کی مدت میں 24 اپریل تک توسیع کر دی ہے جبکہ سی کیٹیگری ممالک کی فہرس میں اضافہ کر دیا گیاہے جس کے بعد 23 ممالک کی نئی فہرست جاری کر دی گئی ہے ۔تفصیلات کے مطابق سول ایو ایشن کی جانب سے جاری کر دہ بیان میں کہا گیاہے کہ بھارت سی کیٹیگری ممالک کی فہرس میں شامل ہو گیاہے ، افریقہ ،برازیل ، زمبابوے سمیت 27 ممالک کے مسافروں کی آمد کو این او سی سے مشروط کیا گیاہے ، این او سی کے بغیر کیٹیگری سی میں شامل ممالک کے مسافروں کی پاکستان آمد پر پابندی برقرار رکھی گئی ہے ۔کیٹیگر ی اے میں شامل ممالک کے مسافروں کیلئے کورونا ٹیسٹ لازمی نہیں ہے ، کیٹیگر ی اے میں سعودی عرب، چین ، آسٹریلیا ، جاپان سمیت 20 ممالک شامل ہیں ۔