اسلام آباد (نیشنل ٹائمز ) مسلم لیگ(ن) کے رہنما اورسابق وزیرا عظم شاہد خاقان عباسی نے کہا ہے کہ امن وامان قائم کرنے میں حکومت کی ناکامی واضح ہوچکی ہے۔تفصیلات کے مطابق شاہد خاقان عباسی کا کہنا تھا کہ پاکستان ڈیموکریٹک موومنٹ(پی ڈی ایم) ہر قسم کے تشدد کی مذمت کرتی ہے اورحالیہ پرتشدد واقعات ہر پاکستانی کے لیے باعث تشویش ہیں۔انہوں نے کہاناموس رسالت ہر مسلمان کے عقیدے کا بنیادی جز ہے، کوئی بھی مسلمان ناموس رسالت پر سمجھوتہ نہیں کرسکتا ۔