اسلام آباد(نیشنل ٹائمز)متحدہ عرب امارات اور یورپی یونین کے سربراہان کا وزیر اعظم سے رابطہ، مشکل کی اس گھڑی میں پاکستانی عوام کے ساتھ یکجہتی کا اظہار کیا گیا۔متحدہ عرب امارات کے صدر شیخ محمد بن زاید نے وزیراعظم شہبازشریف سے ٹیلی فونک رابطہ کرکے پاکستانی عوام کے ساتھ یکجہتی کا اظہار کیا، جبکہ متحدہ عرب امارات سے سیلاب زدگان کیلئے امدادی سامان لیکر پروازبھی اسلام آباد پہنچ گئی۔وزیراعظم سے صدر یورپی کونسل چارلس مشیل کا بھی ٹیلی فون پر رابطہ ہوا، یورپی کونسل کی جانب سے پاکستان کے سیلاب متاثرین کی امداد کیلئے 45 کروڑ روپے امداد کا اعلان کیا گیا۔برطانیہ اور امارات کے بعد آذربائیجان کا بھی سیلاب متاثرین کی امداد کا اعلانواضح رہے کہ امریکا کی جانب سے 6 ارب 72 کروڑ روپے امداد کا اعلان کیا گیا، امریکی وزیرخارجہ انٹونی بلنکن کہتے ہیں امداد سیلاب متاثرین کیلئے خوراک، پانی اورپناہ گاہوں کیلئے فراہم کی جارہی ہے، ہم اس مشکل وقت میں پاکستان کے ساتھ کھڑے ہیں۔برطانیہ، جرمنی، اسپین، کینیڈا، آسٹریلیا، آذربائیجان، جاپان اوربنگلادیش کی جانب سے بھی معاونت کے وعدے کئے گئے ہیں جبکہ ترکیہ کی گڈنیس ٹرین سیلاب متاثرین کیلئے امدادی سامان لیکر انقرہ سے پاکستان روانہ ہوگئی۔