اسلام آباد(نیشنل ٹائمز)وفاقی وزیرداخلہ رانا ثنااللہ کے خلاف گجرات میں دہشت گردی اور کار سرکار میں مداخلت کا مقدمہ درج کرلیا گیا۔رانا ثنااللہ کے خلاف تھانہ انڈسٹریل ایریا گجرات میں مقدمہ درج کیا گیا ہے۔پولیس کے مطابق وفاقی وزیر داخلہ کے خلاف دہشت گردی اورکار سرکار میں مداخلت کی دفعات کے تحت مقدمہ ایک شہری کی مدعیت میں درج کیا گیا ہے۔اس حوالے سے ٹوئٹر پر ایک بیان میں مسلم لیگ ق کے رہنما مونس الٰہی نےکہا ہےکہ رانا ثنااللہ آپ ہمارے وزیراعظم عمران خان کےخلاف جھوٹے مقدمے بناتے ہو، آپ کے خلاف پاکستانی عوام نے سچا مقدمہ بنایا ہے،گرفتاری عنقریب ہے۔مونس الٰہی نے راناثناللہ کے خلاف درج ایف آئی آر بھی ٹوئٹر پر شیئرکی ہے۔