پشاور(نیشنل ٹائمز): الیکشن ٹربیونل نے این اے 22 مردان کے لیے عمران خان کے کاغذات نامزدگی درست قرار دے دیے۔الیکشن ٹربیونل نے این اے 22 مردان کے لیے عمران خان کے کاغذات نامزدگی کی منظوری کے خلاف اپیل پر سماعت کی۔وکیل درخواست گزار نے کہا کہ عمران خان پہلے سے ہی قومی اسمبلی کے رکن ہیں، انہوں نے دوسرے حلقے سے الیکشن لڑنے کی کوئی وجہ نہیں بتائی۔اس پر الیکشن کمیشن کے وکیل نے کہا کہ ایک سے زیادہ حلقوں سے الیکشن لڑنے پر پابندی نہیں۔اس موقع پر عمران خان کے وکیل نے مؤقف اپنایا کہ عمران خان استعفیٰ دے چکے ہیں اور اب وہ اسمبلی کے رکن نہیں ہیں۔الیکش ٹربیونل نے وکلا کے دلائل سننے کے بعد فیصلہ محفوظ کیا تھا جسے کچھ دیر بعد سناتے ہوئے درخواست گزار کی اپیل کو خراج کردیا اور عمران خان کے کاغذات نامزدگی درست قرار دے دیا۔