اسلام آباد(نیشنل ٹائمز)بالی وڈ کے شہنشاہ اور لیجنڈ اداکار امیتابھ بچن دوسری مرتبہ کووڈ کا شکار ہوگئے۔اداکار نے سوشل میڈیا سائٹ ٹوئٹر پر بیان جاری کیا اور لکھا ‘میرا کووڈ کا ٹیسٹ مثبت آیا ہے’۔79 سالہ امیتابھ بچن نے درخواست کی کہ وہ تمام افراد جو میرے ساتھ تھے برائے مہربانی اپنا کووڈ ٹیسٹ کروائیں۔امیتابھ بچن کی ٹوئٹ سامنے آتے ہی مداحوں نے اداکار کی جلد صحتیابی کی دعائیں کیں اور ان سے اپنا خاص خیال رکھنے کو کہا۔خیال رہے کہ اس سے قبل امیتابھ بچن کو بیٹے ابھیشیک بچن ، ایشوریا رائے اور پوتی ارادھیا بچن کے ہمراہ جولائی 2020 میں بھی کووڈ ہوچکا ہے۔