اسلام آباد:(نیشنل ٹائمز)سعودی عرب، مکہ مکرمہ میں گزشتہ روز ہونے والی بارش کے خوبصورت مناظر کی ویڈیوز سوشل میڈیا پر وائرل ہو گئی ہیں۔سوشل میڈیا پر تیزی سے وائرل ہوتی اِن ویڈیوز میں ابرِ رحمت کو مسجد الحرام اور مسجدِ نبویﷺ پر برستا دیکھا جاسکتا ہے۔یہ ویڈیوز سعودی سوشل میڈیا پیج الحرمین شریفین پر اپلوڈ کی گئی ہیں۔مسجد الحرام مکہ مکرمہ میں تیز بارش کے باوجود عمرہ زائرین خانہ کعبہ کا طواف کرتے نظر آ رہے ہیں جبکہ نمازی اپنی عبادت میں مشغول ہیں۔بارش کے دوران مسجد الحرام کو نمازیوں اور عمرہ زائرین سے بھرے ہوئے دیکھا جا سکتا ہے جو خوشگوار موسم میں عبادت کا لطف اٹھا رہے ہیں۔