Vاسلام آباد (نیشنل ٹائمز)پاکستان کی معروف اور متنازع ٹک ٹاک اسٹار حریم شاہ نے اپنے مداحوں سے دُعاؤں کی اپیل کردی۔حریم شاہ نے اپنے یوٹیوب چینل پر اپنی ایک ویڈیو اپ لوڈ کی جس میں وہ اپنے مداحوں کو تُرکی کے حسین مناظر دکھا رہی ہیں۔اس کے علاوہ ویڈیو میں حریم شاہ کو اپنے شوہر کے ہمراہ تُرکی سُپر اسٹور میں گھر کی ضروری اشیاء کی خریداری کرتے بھی دیکھا جاسکتا ہے۔یوٹیوب پر اپلوڈ کی گئی ویڈیو میں حریم شاہ نے بتایا کہ وہ اپنے شوہر بلال شاہ کے ہمراہ ترکی میں مقیم ہیں۔ٹک ٹاک اسٹار نے اپنی یوٹیوب ویڈیو میں مداحوں کو اپنی طبیعت ناساز ہونے کے حوالے سے اطلاع بھی دی۔اُنہوں نے کہا کہ ان دنوں میری طبیعت ناساز ہے جس کی وجہ سے مجھے سُستی ہو رہی ہے۔حریم شاہ نے اپیل کرتے ہوئے کہا کہ میری جلد صحتیابی کے لیے دُعا کیجیئے۔