اسلام آباد (نیشنل ٹائمز) پاکستان شوبز انڈسٹری کی معروف اداکارہ اُشنا شاہ نے کہا ہے کہ ہم اس مسئلے پر کیوں نہیں بولتے کہ جب نابالغ لڑکیوں کا جبراََ مذہب تبدیل کرواکے شادی کروائی جاتی ہے۔اُشنا شاہ نے مائیکرو بلاگنگ سائٹ ٹوئٹر پر جاری کیے گئے پیغام میں کہا کہ نابالغ کے ساتھ اغواء/شادی/تعلقات واقعی ایک ایسی چیز ہے جسے میڈیا کو اُجاگر کرنا چاہیے اور عوام کو مذمت کرنی چاہیے۔ اداکارہ نے سوالیہ انداز میں کہا کہ تاہم، کیا ہم اقلیتوں سے تعلق رکھنے والی نابالغ لڑکیوں کو مذہب تبدیل کرنے اور شادی کرنے پر مجبور کرنے پر وہی روشنی اور توجہ دے سکتے ہیں؟اُنہوں نے اپنے ٹوئٹ میں ہیش ٹیگ دُعا زہرا اور اقلیتوں کے حقوق کا بھی استعمال کیا۔zاضح رہے کہ دعا زہرا کو لاہور ہائی کورٹ کے حکم پر لاہور کے شیلٹر ہوم سے منتقل کرنے کے بعد کراچی کے چائلڈ پروٹیکشن بیورو میں رکھا گیا ہے۔عدالت نے دعا زہرا کو اغواء کرنے کے مقدمے میں ظہیر اور اس کے بھائی شبیر کی عبوری ضمانت میں توسیع کر دی ہے۔