اسلام آباد (نیشنل ٹائمز)پاکستانی اداکار و رائٹر یاسر حسین نے انکشاف کیا ہے کہ انہیں زندگی کا خطرناک تھپڑ اداکارہ میرا کی جانب سے فلم میں پڑا تھا۔حال ہی میں عید کے خصوصی شو میں شرکت کے دوران یاسر حسین نے اپنے کیرئیر سمیت نجی زندگی کے حوالے سے گفتگو کی اور دلچسپ باتیں بتائیں۔دورانِ شو میزبان نے سوال کیا کہ ‘زندگی میں سب سے خطرناک تھپڑ کب اور کیوں پڑا؟’فلم میں آصف زرداری کا کردار نبھانے کا بہت شوق ہے: یاسر حسینجواب میں یاسر نے ذرا سوچتے ہوئے بتایا کہ ‘مجھے میرا جی نے تھپڑ رسید کیا تھا، میرا جی کی ایک فلم تھی ’باجی‘، جس میں میرا چھوٹا سا کردار تھا، مجھ سے وہ فلم شروع ہوتی ہے کہ میں ایک ڈائریکٹر ہوتا ہوں’۔یاسر نے بتایا کہ ‘میرا کردار تھا کہ میں میرا کو فلم سے نکال دیتا ہوں، تو اس وقت گانے کی شوٹنگ ہورہی ہوتی ہے جس میں میرا جی آتی ہیں اور اپنے ڈائیلاگ بولتے ہوئے مجھے زوردار تھپڑ مارتی ہیں’۔اداکار نے کہا کہ ‘پہلے میں نے میرا سے کہا تھا کہ مجھے زیادہ زور کا تھپڑ نہیں ماریے گا لیکن پھر ہم نے جب شوٹ کی جھلک دیکھی تو اس میں وہ تھپڑ جعلی لگ رہا تھا، بعد میں میرا نے زور دار تھپڑ مارا’۔