اسلام آباد (نیشنل ٹائمز)بالی ووڈ کے معروف اداکار رنبیر کپور جن کی اس برس اپریل میں اداکارہ عالیہ بھٹ سے شادی ہوئی تھی اور حال ہی میں یہ خبر آئی ہے کہ رنبیر کی اہلیہ امید سے ہیں۔ رنبیر اب اپنے بچے کی متوقع پیدائش کے سلسلے میں خاصے جذباتی ہیں اور کہتے ہیں کہ وہ دنیا کے بہترین باپ بننے کے خواہش مند ہیں۔ رنبیر کپور نے یہ بات حال ہی میں اس وقت کہی جب وہ ایک معروف بھارتی ٹیلی ویژن پروگرام میں مدعو تھے، جس کے دوران انہوں نے ڈرامہ سیریز انوپما کی اداکارہ روپالی گنگولی سے والدین بننے کے لوازمات اور فرائض پر ٹپس حاصل کیے۔ جس پر روپالی نے انہیں ایک گڑیا لے کر یہ بتایا کہ کس طرح بچے کو اپنے بازوؤں میں سنبھالا جاتا ہے۔ رنبیر نے گڑیا کو اٹھا کر بچوں سے کی جانے والی گفتگو کے انداز میں کہا الے لے میری بیٹی، انہوں نے اس موقع پر بچے کے ڈائپر تبدیل کرنا اور اسے فیڈ کروانا بھی سیکھا۔ اس دلچسپ تربیتی انداز پر ایک پرستار نے ویڈیو شیئر کراتے ہوئے لکھا، یہ تو بہت ہی کیوٹ لگ رہا کہ روپالی صاحبہ رنبیر کی تربیت کر رہی ہیں، مزید کئی پرستاروں نے بھی اس پر کمنٹس کیے۔