اسلا م آباد(نیشنل ٹائمز)وزیر خارجہ کی” پاکستان ہاؤس” برلن (جرمنی ) آمد۔ جرمنی میں تعینات پاکستانی سفیر ڈاکٹر محمد فیصل نے وزیر خارجہ کا خیر مقدم کیا۔وزیر خارجہ کی پاکستان ہاوس میں ایمبیسڈر ڈاکٹر محمد فیصل کی جانب سے دیے گئے عشائیے میں شرکت۔عشائیے میں جرمنی کی اہم سیاسی، سماجی و کاروباری شخصیات نے شرکت کی۔وزیر خارجہ نے عشائیے کے دوران شرکاء سے غیر رسمی گفتگوبھی کی۔شرکاء نے وزیر خارجہ کو جرمن تشریف آوری پر خوش آمدید کہا۔وزیر خارجہ شاہ محمود قریشی کا کہنا تھا کہ ہم نے اپنی جغرافیائی سیاسی ترجیحات کو جغرافیائی معاشی ترجیحات میں بدل دیا ہے۔ہم معاشی سفارت کاری کے ذریعے دنیا کی توجہ پاکستان میں میسر معاشی سرگرمیوں اور مواقعوں سے متعارف کروا رہے ہیں۔ انہوں نے مزیدکہا کہ پاکستان، 22 کروڑ عوام پر مشتمل ایک ابھرتی ہوئی مارکیٹ ہے جہاں سرمایہ کاری کے بے شمار مواقع موجود ہیں ۔ہم پاکستان میں بیرونی سرمایہ کاروں کو ای ویزہ سمیت تمام ممکنہ سہولیات فراہم کر رہے ہیں۔جرمن کاروباری حضرات اور کمپنیوں کو پاکستان میں سرمایہ کاری کیلئے خوش آمدید کہیں گے ۔وزیر خارجہ نے پاکستان ہاؤس آمد پر تمام شرکاء کا شکریہ ادا کیا۔وزیر خارجہ نے پاکستان ہاؤس میں “وزیٹرز بک” میں اپنے تاثرات بھی قلمبند کیے۔