اسلام آباد (نیشنل ٹائمز)بھارت ٹیلی وژن انڈسٹری کی معروف اداکارہ جیسمین بھاسین نے اداکار علی گونے کے ساتھ اپنی شادی سے متعلق بتادیا۔حالیہ انٹرویو میں جیسمین بھاسین سے بات چیت کے دوران، اُن کے بوائے فرینڈ علی گونے کے ساتھ ان کی شادی کی افواہوں کے بارے میں پوچھا گیا۔ اس سوال کے جواب میں جیسمین بھاسین نے کہا کہ ’ہمارا جلد شادی کرنے کا کوئی منصوبہ نہیں ہے کیونکہ ہم دونوں بہت پُرجوش ہیں اور فی الحال ہماری واحد ترجیح ہمارا کیریئر ہے‘۔ جیسمین نے کہا کہ ’میں نے اور علی نے کہا تھا کہ ہم بہت جلد ایک اہم اعلان کرنے والے ہیں جسے لوگوں نے شادی کا اعلان سمجھا جبکہ ایسا کچھ بھی نہیں ہے‘۔اداکارہ نے کہا کہ ’ہم نے اپنے یوٹیوب چینل کے حوالے سے اعلان کرنا تھا لیکن سب نے شادی کا اعلان سمجھ لیا تھا‘۔جیسمین نے طنزیہ انداز میں کہا کہ ’ابھی شادی کا کوئی ارادہ نہیں ہے کیونکہ ہم خود ابھی بچے ہیں‘۔