اسلام آباد(نیشنل ٹائمز)روزانہ کدو کے بیج کھانے سے آپ کا دل صحت مند اور فعال رہ سکتا ہے۔سُپر فوڈز کی فہرست میں بیجوں نے ایک خاص مقام حاصل کیا ہے کیونکہ یہ صحت مند مونو سیچوریٹڈ چکنائی، پولی ان سیچوریٹڈ فیٹس اور ضروری غذائی اجزاء جیسے پروٹین، فائبر، وٹامنز، آئرن اور اومیگا 3 فیٹی ایسڈز سے بھرے ہوتے ہیں جو جسم کے صحت مند کام کو فروغ دینے کے لیے جانا جاتا ہے۔ مختلف قسم کے بیج جیسے سورج مکھی اور تِل کے بیج جنہیں صحت مند رہنے اور دل کی صحت کو برقرار رکھنے کے لیے اپنی غذا میں شامل کیا جاسکتا ہے لیکن اب کدو کے بیجوں کو بھی اپنی روزمرہ کی خوراک میں شامل کرنے کا وقت آگیا ہے۔
کدو کے کرسپی اور کریمی بیج ہیں جو کہ میگنیشیم سے لے کر کاپر، پروٹین اور زنک تک مختلف قسم کے غذائی اجزاء سے بھرے ہوتے ہیں۔ ان بیجوں کو ناشتے میں کھانے کا مشورہ دیا جاتا ہے۔ موسم گرما میں کونسے مسالے مفید اور کونسے مضر صحت ہیں؟ایک مطالعے کے مطابق کدو کے بیج وٹامن بی، میگنیشیم، آئرن اور پروٹین کا ایک اچھا ذریعہ ہیں۔ بیجوں میں ضروری فیٹی ایسڈز کی اعلیٰ سطح ہوتی ہے جو خون کی نالیوں کو صحت مند رکھنے اور غیر صحت بخش کولیسٹرول کو کم کرنے میں مدد دیتی ہے۔کدو کے بیج صحت مند چکنائیوں، ریشوں اور مختلف اینٹی آکسیڈنٹس کا بھرپور ذریعہ ہیں جو قلبی صحت کی حمایت کے لیے جانا جاتا ہے۔ اس کے علاوہ، بیجوں میں مونو سیچوریٹڈ فیٹی ایسڈز ہوتے ہیں، جو ہمارے جسم میں کولیسٹرول کو منظم کرنے میں مدد کرتے ہیں۔ غذائیت سے بھرپور بیج کونسے ہیں؟علاوہ ازیں بیجوں میں موجود میگنیشیم، بلڈ پریشر کی سطح کو کنٹرول کرنے میں مدد کرتا ہے، دل سے متعلق مسائل والے لوگوں کے لیے صحت مند غذا کا استعمال ضروری ہے۔