نئی دہلی(نیشنل ٹائمز) خشک انگور، جو کشمش کے نام سے جانے جاتے ہیں، ہماری صحت کے لیے ایسے فوائد کے حامل ہیں کہ سن کر ہر کوئی انہیں اپنی روزمرہ خوراک کا حصہ بنا لے۔ ماہرین غذائیات کا کہنا ہے کہ کشمش نظام انہضام کے لیے انتہائی فائدہ مند ہے اور قبض کا خاتمہ کرکے پاخانے کو آسان بناتی ہے۔ جو لوگ اپنا وزن بڑھانا چاہتے ہیں، ان کے لیے بھی کشمش بہت فائدہ مند ہے کیونکہ اس میں فرکٹوز اور گلوکوز وافر مقدار میں ہوتے ہیں اور یہ توانائی سے بھرپور ہوتی ہے چنانچہ اسے کھانے سے وزن بڑھتا ہے۔ امرین شیخ کا کہنا ہے کہ ”کشمش کینسر سے محفوظ رکھنے میں بھی مددگار ثابت ہوتی ہے اور بلڈ پریشر کو بھی مستحکم رکھتی ہے۔ کشمش کھانے سے قوت مدافعت میں بھی اضافہ ہوتا ہے اور جسم میں انفلیمیشن بہت کم ہوتی ہے اور جوڑوں کے دائمی درد جیسے عارضوں سے انسان محفوظ رہتا ہے۔یہ نیند کا معیار بہتر بنانے اور اس میں سکون لانے کے لیے بھی بہت فائدہ مند ثابت ہوتی ہے۔ چند دانے کشمش روزانہ کھانے سے آپ کے نیند سے متعلق تمام مسائل حل ہو سکتے ہیں۔یہ ذہنی دباؤ، ڈپریشن اور دماغی صحت کے لیے دیگر کئی حوالوں سے بھی فائدہ مند ہے۔“