لاہور(نیشنل ٹائمز)قومی کرکٹر کامران اکمل سابق کپتان شاہد آفریدی کے حق میں بول پڑے۔مائیکرو بلاگنگ سائٹ ٹوئٹر پر جاری کئے گئے بیان میں کامران اکمل نے پاکستان شوبز انڈسٹری کے معروف اداکار کاشف محمود کے بیان پر ردعمل دیتے ہوئے کہا کہ آپ کی عزت کرتے ہیں مگر آپ اس طرح لالا پر تنقید نہیں کر سکتے، بطور کرکٹر انہوں نے پاکستان کی بہت خدمت کی ہے۔انہوں نے مزید کہا کہ ان کی اپنی رائے اور خیالات ہیں، برائے مہربانی آپ ان کے کرکٹ کیریئر کو سیاست کے ساتھ مت جوڑیں۔ان کا یہ بھی کہنا تھا کہ ہم سب کو ایک دوسرے کا احترام کرنا چاہیے۔خیال رہے کہ سوشل میڈیا پر جاری کیے گئے ویڈیو پیغام میں کاشف محمود نےقومی کرکٹ کی بربادی کا ذمہ دار سابق کپتان شاہد آفریدی کو قرار دیا تھا۔انہوں نے کہا کہ ’ہماری کرکٹ کو تباہ کرنے والے صرف شاہد آفریدی ہیں۔‘