ووہان (شِنہوا) 20ٹن اشیا سے لدا ہوا مال بردار ہوائی جہاز منگل کے روز چین کے وسط میں ووہان سے بھارت کے دہلی کیلئے روانہ ہوا جو کہ چینی شہر کیلئے 11ویں باضابطہ بین الاقوامی مال بردار راستہ کے افتتاح کی علامت ہے۔یہ روٹ بھارت کی سپائس جیٹ چلاتی ہے جس میں ایک ہفتہ کے دوران بوئنگ737کی 3پروازیں ہیں۔ اس راستے پر نقل وحمل والی اشیاء میں بنیادی طورپر برقی آلات، موبائل فونز اور پرزے اور سرحد پار تجارتی اشیاء شامل ہیں جن کی منزل بھارت کے متعدد بڑے شہر ہیں۔اعدادوشمار سے پتہ چلتا ہے کہ 2021کے پہلے3ماہ میں ہوبے ہوائی اڈہ گروپ نے مجموعی طور پر 30ہزار ٹن کے قریب بین الاقوامی مال برداری اور ڈاک کی آمدورفت دیکھی ہے جو کہ نوول کروناوائرس کے منفی اثرات سے مضبوط بحالی ظاہر کرتی ہے۔