اسلام آباد(نیوز ڈیسک)بھارتی اداکار اکشے کمار نے نیا روپ لے لیا، جس سے متعلق انھوں نے سوشل میڈیا پر تصویر بھی شیئر کی۔ فوٹوز اینڈ ویڈیو شیئرنگ ایپ انسٹاگرام پر شیئر کی گئی اس تصویر میں اکشے کمار کو بڑے بالوں میں دیکھا جا سکتا ہے۔ اسی طرح سپر فٹ اکشے کمار اس تصویر میں ممکنہ طور پر نظر کی عینک بھی لگائے ہوئے ہیں۔ اپنی اس تصویر کو شیئر کرتے ہوئے بالی ووڈ کھلاڑی نے اس نئے روپ کی وجہ بھی بتائے۔ تصویر کے ساتھ عنوان میں انھوں نے لکھا کہ ’میرے لیے خصوصی فلموں میں سے ایک فلم کو بنانے کا سفر شروع ہورہا ہے۔‘ساتھ میں انھوں نے فلم رام سیتو کے ہیش ٹیگ کے ساتھ بتایا کہ اس کی شوٹنگ شروع ہوگئی ہے۔ اپنے پیغام میں اکشے کمار نے بتایا کہ وہ فلم رام سیتو میں ایک ماہر آثارِ قدیمہ کا کردار نبھارہے ہیں۔اکشے نے مداحوں سے اپنے نئے روپ سے متعلق سوال بھی پوچھ لیا اور کہا کہ یہ بات ان کے لیے معنی رکھتی ہے۔