اسلام آباد (نیشنل ٹائمز)وزیراعظم شہباز شریف نے شاہ سلمان بن عبدالعزیز اور سعودی ولی عہد شہزادہ محمد بن سلمان کا مبارکباد کا پیغام بھیجنے پر شکریہ ادا کیا ہے۔وزیراعظم شہباز شریف نے کہا کہ پاک سعودی تعلقات خصوصی اور غیرمعمولی اعتماد کےحامل ہیں۔انہوں نے یہ بھی کہا کہ مشترکہ وژن پورا کرنے کے لیے مل کر کام کرنے لیے پرعزم ہیں۔یاد رہے کہ سعودی عرب کے فرمانروا شاہ سلمان اور ولی عہد محمد بن سلمان نے وزیراعظم شہباز شریف کو حلف اٹھانے پر مبارکباد کا پیغام بھیجا تھا۔سعودی ولی عہد شہزادہ محمد بن سلمان نے بھی شہبازشریف کومبارکباد دی ، پیغامات میں پاکستان کی ترقی، و خوشحالی کے لیے نیک خواہشات کا اظہار کیا گیا۔