اسلام آباد (نیشنل ٹائمز)ملک کے 23 ویں نو منتخب وزیراعظم شہباز شریف ایک روزہ دورے پر کراچی روانہ ہوگئے۔بطور وزیر اعظم اپنے پہلے دورۂ کراچی میں شہباز شریف کا ایئر پورٹ پر وزیراعلیٰ سندھ مراد علی شاہ استقبال کرینگے۔وزیراعظم شہباز شریف شاہد خاقان عباسی، مریم اورنگزیب، مفتاح اسماعیل، خالد مقبو ل صدیقی اور دیگر رہنماؤں کے ہمراہ کراچی پہنچیں گے۔مریم اورنگزیب نے بتایا ہے کہ وزیراعظم شہباز شریف سب سے پہلے اتحادی جماعتوں کی قیادت کے ہمراہ مزار قائد پر حاضری دیں گے۔وزیر اعظم شہباز شریف کا دورۂ کراچی، مزار قائد کے اطراف سیکیورٹی سختمزار قائد پر حاضری کے بعد شہبازشریف وزیراعلیٰ ہاؤس کا دورہ کریں گے، وزیراعظم کراچی میں ترقیاتی منصوبوں سے متعلق مشاورتی اجلاس کی صدارت کریں گے۔سندھ میں امن و امان اور ترقیاتی منصوبوں سمیت تمام اجلاس وزیراعلیٰ ہاؤس میں ہوں گے۔ایم کیو ایم پاکستان کے مطابق وزیراعظم شہباز شریف دوپہر 2 بجے بہادرآباد مرکز کا دورہ بھی کریں گے۔