اسلام آباد (نیوز ڈیسک) ہالی ووڈ ہو یا بالی ووڈ اداکاروں کی حفاظت کو یقینی بنانے کے لیے دنیا بھر میں فلموں کے ایکشن اور خطرناک مناظر کی شوٹنگ کے لئے ماہر اسٹنٹ مینوں کو استعمال کیا جاتا ہے لیکن انڈسٹری میں کچھ ایسے اداکار بھی ہیں جو خطرناک سینز خود ہی انجام دیتے ہیں۔رپورٹس کے مطابق ہالی ووڈ کے مشہور اداکار بریڈ پٹ نے اپنی اگلی فلم ’بُلٹ ٹرین‘ کیلئے خطرناک سینز خود شوٹ کرائے۔ ایکشن سے بھرپور اس فلم کے ڈائریکٹر ڈیوڈ لیچ ہیں جو کہ اس سے قبل ’جان وک‘ اور ’ڈیڈ پول2‘ ایکشن سے بھرپور فلموں کے لئے مشہور ہیں۔57 سالہ بریڈ پٹ کے علاوہ ہالی ووڈ کے مشہور اداکار 58 سالہ ٹام کروز بھی اپنے تمام خطرناک سین خود ہی کرنے کے لئے دنیا بھر میں مشہور ہیں۔