اسلام آباد (نیوز ڈیسک) پاکستان شوبز انڈسٹری کی پبلک ڈیمانڈ جوڑیوں میں سے ایک یاسر حسین اور اقرا عزیز نے پروڈیوسر شازیہ وجاہت کو سالگرہ کی مبارکباد دی۔ دونوں اسٹارز نے اس مبارکباد کے لیے نہ صرف سوشل میڈیا کا سہارا لیا بلکہ وہ خود بھی ان کے پاس موجود رہے۔ یاسر حسین کے انسٹاگرام اکاؤنٹ سے اس جوڑی نے ایک تصویر شیئر کی جس میں وہ پروڈیوسر شازیہ وجاہت کے ساتھ کھڑے ہیں۔ تصویر کو دیکھ کر ایسا محسوس ہوتا ہے کہ انھوں نے شازیہ وجاہت کی سالگرہ منائی۔ ساتھ میں یاسر حسین نے شازیہ وجاہت کو نتھی کرتے ہوئے تہنیتی پیغام دیا کہ اللّٰہ آپ کو ایسی ہزاروں سالگرہ نصیب فرمائے۔