اسلام آباد(نیشنل ٹائمز) قومی اسمبلی کےکل ہونے والے اجلاس کا ایجنڈا جاری کردیا گیا ہے جس میں وزیراعظم عمران خان کے خلاف تحریک عدم اعتماد بھی شامل ہے۔ قومی اسمبلی کےکل کے اجلاس کا 15 نکاتی ایجنڈا جاری کیا گیا ہے جس میں وزیراعظم کے خلاف تحریک عدم اعتماد بھی شامل کی گئی ہے۔
قومی اسمبلی کے اجلاس میں تحریک عدم اعتماد کی قرار داد 152 ارکان قومی اسمبلی کی جانب سے پیش کی جاٸے گی واضح رہے کہ قومی اسمبلی میں وزیراعظم کے خلاف تحریک عدم اعتماد پیش کرنے میں متحارک ارکان کی تعداد 147 ہے۔
ایجنڈے میں کہا گیا ہے کہ ایوان کی رائے ہے کہ وزیر اعظم عمران خان ایوان کا اعتماد کھو چکے ہیں، اپوزیشن کی قرارداد ہےکہ وزیر اعظم ایوان کا اعتماد کھوچکے لہٰذا انہیں عہدے سے ہٹا دیاجائے۔
خیال رہے کہ اس سے قبل اسپیکر قومی اسمبلی نے اسمبلی کا اجلاس 25 مارچ کو طلب کیا تھا تاہم اسمبلی سیکرٹریٹ کی جانب سے اجلاس کا ایجنڈا جاری نہیں کیا گیا تھا جس پر اپوزیشن کی جانب سے تنقید کی جارہی تھی۔