اسلام آباد(نیشنل ٹائمز)برطانوی میڈیا کی توجہ آج کل اس بات پر مرکوز ہے کہ ڈیوک آف ایڈنبرا، شہزادہ فلپ کے لیے منعقد کی جانے والی تھینکس گیونگ سروس میں شہزادہ اینڈریو اور شہزادہ ہیری شرکت کریں گے یا نہیں۔حال ہی میں شہزادہ ہیری کو برطانوی میڈیا کی جانب سے اس بات پر شدید تنقید کا نشانہ بنایا گیا جب اُنہوں نے کہا کہ وہ سیکیورٹی وجوہات کی بنا پر شہزادہ فلپ کے لیے منعقد کی جانے والی تھینکس گیونگ سروس میں شرکت کے لیے واپس برطانیہ نہیں آئیں گے۔ایک سینئر شاہی مبصر اور سوانح نگار انجیلا لیون نے ڈیوک آف سسیکس پر طنز کرتے ہوئے کہا کہ’برطانیہ سے باہر مقیم شاہی خاندان کے تمام افراد تھینکس گیونگ سروس میں شہزادہ فلپ کے لیے اپنے احترام کا اظہار کرنے کے لیے وطن واپس آرہے ہیں‘۔اُنہوں نے مزید کہا کہ’فوجی جوان شہزادہ ہیری کے علاوہ کوئی بھی سیکیورٹی کے حوالے سے فکر مند نظر نہیں آرہا‘۔انجیلا لیون نے ایک ریڈیو شو سے بات کرتے ہوئے شہزادہ فلپ کے لیےمنعقد کی جانے والی تھینکس گیونگ سروس میں شہزادہ اینڈریو کی شرکت کے حوالے سے بھی بات کی۔اُنہوں نے اس حوالے سے اپنے خیالات کا اظہار مائیکرو بلاگنگ ویب سائٹ ٹوئٹر پر بھی کیا۔پنے ٹوئٹ میں لکھا کہ ’دلچسپ بات یہ ہے کہ ایک شخص کے علاوہ سب نے محسوس کیا کہ اُنہیں اس موقع پر اپنی والدہ کے پاس ہونا چاہیے، اور یہ بالکل درست بھی ہے‘۔ رہے کہ حال ہی میں ملکہ الزبتھ نے شہزادہ اینڈریو پر ورجینیا روبرٹس کی جانب سے جنسی زیادتی کے الزامات عائد ہونے کے بعد، ان کے تمام فوجی اعزازات اور شاہی سرپرستی چھین لی۔