اسلام آباد(نیوز ڈیسک )وزیراعظم عمران خان نے رمضان میں پناہ گاہوں و لنگر خانوں میں سحر و افطار کے بہترین انتظامات کی ہدایت جاری کی ہے۔عمران خان نے کہا کہ ’کوئی بھوکا نہ سوئے‘ پروگرام کے تحت سحر و افطار کا بہترین بندوبست کیا جائے۔وزیراعظم کی ہدایت پر سینیٹر فیصل جاوید اسلام آباد جی نائن کی پناہ گاہ پہنچ گئےجہاں انہوں نے مستحقین اور انتظامیہ سے ملاقات کی۔فیصل جاوید خان نے انتظامیہ سے کہا کہ پناہ گاہ میں آنے والے افراد کو ہر ممکن سہولیات فراہم کی جائیں، پناہ گاہوں کا سلسلہ ملک بھر میں پھیل رہا ہے۔