اسلام آباد(نیشنل ٹائمز)بلوچستان بھر میں انسدادِ پولیو مہم تیسرے روز بھی جاری ہے، مہم کے دوران 5 سال تک کے بچوں کو پولیو وائرس سے بچاؤ کے قطرے پلائے جا رہے ہیں۔ایمرجنسی آپریشن سینٹر برائے انسدادِ پولیو حکام کے مطابق کوئٹہ سمیت صوبے کے تمام 34 اضلاع میں انسدادِ پولیو مہم کا آج تیسرا روز ہے۔صوبے کے تمام اضلاع میں 25 لاکھ 86 ہزار سے زائد بچوں کو پولیو سے بچانے کا ہدف مقرر کیا گیا ہے۔30 اضلاع میں انسدادِ پولیو مہم جمعے کے روز تک جاری رہے گی جبکہ دیگر 4 ہائی رسک اضلاع میں یہ مہم اتوار کے روز تک جاری رہے گی۔پولیو ہائی رسک اضلاع میں کوئٹہ، قلعہ عبداللّٰہ، پشین اور چمن شامل ہیں۔