اسلام آباد(نیوز ڈیسک) پاکستان کی معروف اداکارہ ثناء فخر کی جانب سے انسٹاگرام پر ایک مختصر سی ویڈیو شیئر کی گئی ہے جس میں ثناء نے اپنے ناقدین کو بری خبر سناتے ہوئے کہا کہ میرے پاس ان لوگوں کے لیے ایک اچھی خبر یہ ہے کہ مجھے آپ لوگوں کے کمنٹس اتنے اچھے لگے کہ میں نے ان کا اسکرین شاٹ لے لیا ہے۔ثناء فخر نے بتایا کہ انہوں نے سائبر کرائم میں کام کرنے والے اپنے ایک جاننے والے کو ان کمنٹس کے اسکرین شاٹس جمع کرادیے ہیں۔اداکارہ نے اپنی ویڈیو میں ناقدین کو مشورہ دیا کہ اگر آپ نے یہ کیا ہے تو اپنی حفاظت کریں۔واضح رہے کہ ثناء فخر کی اس سے قبل شوہر کو بوسہ دیتے ہوئے تصویر خاصی وائرل ہوئی تھی جس پر اداکارہ کو شدید تنقید کا نشانہ بنایا گیا تھا، پھر اداکارہ نے اس حوالے سے ایک جوابی ویڈیو بھی جاری کی تھی۔