اسلام آباد (نیشنل ٹائمز)معروف کامیڈین و اداکار عمر شریف کے انتقال کو تقریباً 5 ماہ کا عرصہ مکمل ہوگیا ہے۔عمر شریف کی اہلیہ زرین غزل نے شوہر کی قبر کی کچھ تصاویر انسٹاگرام پر شیئر کیں اور بتایا کہ آج ان کی عدت ختم ہوچکی ہے۔زرین عمر نے اپنی پوسٹ میں لکھا کہ آج عدت ختم ہونے پر میں عمر کے گھر گئی اور ان سے بہت سی باتیں کیں۔انہوں نے کہا کہ ماشاءاللہ بہت لوگ آتے ہیں عمر کے لیے دعا کرنے، عمر میری زندگی کے ساتھی تھے، انشاء اللہ جنت میں بھی میرے ساتھی ہوں گے۔زرین عمر کی پوسٹ پر عمر شریف کے مداح سمیت دیگر صارفین نے لیجنڈ کامیڈین کے ایصالِ ثواب کیلئے دعائیں کیں۔خیال رہے کہ عمر شریف گزشتہ برس اکتوبر میں جرمنی کے اسپتال میں طویل علالت کے بعد انتقال کرگئے تھے۔