کراچی: (نیشنل ٹائمز)انٹربینک میں روپے کے مقابلے میں امریکی ڈالر کی قیمت 25 پیسے کم ہوگئی۔ انٹربینک میں کاروباری ہفتے کے چوتھے یعنی جمعرات کے روز پاکستانی روپے کے مقابلے میں ڈالر کی قدر کم ہو گئی جبکہ مقامی اوپن کرنسی مارکیٹ میں ڈالر مہنگا ہو گیا۔فاریکس ایسوسی ایشن آف پاکستان کی رپورٹ کے مطابق جمعرات کو انٹر بینک میں روپے کے مقابلے ڈالر کی قدر میں25پیسے کی کمی واقع ہوئی جس سے ڈالر کی قیمت خرید 175.10روپے سے گھٹ کر174.87 روپے اور قیمت فروخت 175.20روپے سے گھٹ کر174.95روپے پر آ گئی۔مقامی اوپن کرنسی مارکیٹ میں ڈالر50پیسے مہنگا ہوا جس کے بعد امریکی کرنسی کی قیمت خرید 175.80روپے سے بڑھ کر176.30روپے اور قیمت فروخت176.30روپے سے بڑھ کر176.80روپے پر آگئی۔فاریکس رپورٹ کے مطابق یورو کی قدرمیں 1.50روپے کا اضافہ ریکارڈ کیا گیا جس سے یورو کی قیمت خرید 199.50روپے سے بڑھ کر200روپے اور قیمت فروخت201.50روپے سے بڑھ کر202روپے ہوگئی اسی طرح1روپے کے اضافے سے برطانوی پونڈ کی قیمت خرید 237روپے سے بڑھ کر237.50روپے اور قیمت فروخت239روپے سے برھ کر240روپے ہو گئی ۔