اسلام آباد(نیشنل ٹائمز)امریکی صدر جو بائیڈن نے کہا کہ شام میں امریکی آپریشن میں داعش کا سربراہ ابو ابراہیم الہاشمی القریشی مارا گیا۔ داعش رہنما کی ہلاکت سے دنیا کو لاحق بڑا دہشتگرد خطرہ ٹل گیا۔شام میں امریکی آپریشن کے حوالے سے اپنے بیان میں صدر بائیڈن کا کہنا تھا کہ آپریشن میں شہری ہلاکتوں کو کم کرنے کیلئے ہر ممکنہ احتیاطی تدابیر اختیار کیں۔ انھوں نے کہا کہ داعش رہنما نے بزدلانہ قدم اٹھاتے ہوئے خود کو دھماکے سے اڑایا۔بائیڈن نے مزید کہا کہ امریکا داعش پر دباؤ برقرار رکھنے کیلئے شراکت داروں اور اتحادیوں کے ساتھ کام جاری رکھے گا۔