اسلام آباد(نیشنل ٹائمز)معروف پاکستانی اداکاراحمد علی اکبر نے ساتھی اداکارہ ریشم کی بھانجی کی سالگرہ کی تقریب میں خصوصی طور پر شرکت کی۔ ریشم نے فوٹو اینڈ ویڈیو شیئرنگ ایپ انسٹاگرام پر اپنی بھانجی دعا کی سالگرہ کی تقریب سے چند خوبصورت تصاویر شیئر کی ہیں۔اداکارہ کی جانب سے شیئر کی گئی تصاویر میں احمد علی اکبر کو ننھی دعا کی سالگرہ کا کیک کاٹتے اور دعا کو کھلاتے ہوئے دیکھا جاسکتاہے۔اُنہوں نے یہ تصاویر شیئر کرتے ہوئے کیپشن میں لکھا کہ’یہ کل رات ہونے والی اُن کی بھانجی دعا کی سالگرہ کی کچھ تصاویرہیں‘۔ ریشم نے احمد علی اکبر کا تقریب میں شرکت کرنے اور اسے مزید خاص بنانے کے لیے شکریہ بھی ادا کیا۔ان تصاویر کو دیکھ کر یہ اندازہ بھی لگایا جاسکتا ہے کہ سالگرہ کی اس تقریب میں صرف خاندان کے قریبی لوگوں کو مدعو کیا گیا۔تاہم، اداکار احمد علی اکبر نے اس تقریب میں شرکت کرکے اسے خاص بنادیا۔