اسلام آباد(نیشنل ٹائمز)چین کی ایک کمپنی نے اعلان کیا ہے کہ وہ ایک ایسے پروں والے راکٹ پر کام کررہی ہے جو مسافروں کو لے کر صرف ایک گھنٹے میں بیجنگ سے نیویارک تک پہنچ جائے گا۔یہ راکٹ ہونے کے ساتھ ساتھ مسافر بردار ہوائی جہاز بھی ہو گا، اسے چینی کمپنی اسپیس ٹرانسپورٹیشن نے تیار کیا ہے .کمپنی کا کہنا ہے کہ راکٹ نما ہوائی جہاز مستقبل میں مسافروں کو دور دراز مقامات تک بہت کم وقت میں پہنچانے کے علاوہ مصنوعی سیارچوں اور دیگر سامان کو خلائی مدار میں چھوڑنے کا کام بھی کر سکے گا۔اسے ایک طیارے کے نچلے حصے میں رکھ کر خاصی بلندی تک پہنچایا جائے گا جہاں یہ طیارے سے الگ ہو کر اپنا انجن سٹارٹ کر کے برق رفتاری سے اپنی منزل کی جانب پرواز کرنے لگے گا۔اس طرح یہ 7 ہزار کلو میٹر فی گھنٹہ کی رفتار سے پرواز کرتے ہوئے بیجنگ سے نیویارک پہنچے گا۔