واشنگٹن(نیشنل ٹائمز): امریکا کا کہنا ہے کہ متحدہ عرب امارات میں حوثی باغیوں کے میزائل حملے کو ناکام بنانے کے لیے پیٹریاٹ دفاعی میزائل سسٹم استعمال کیا۔وائٹ ہاؤس کی پریس سیکریٹری جین ساکی نے میڈیا بریفنگ میں کہا کہ امریکی فورسزنے حوثی باغیوں کی جانب سے بیلسٹک میزائل فائرکرنے کی جوابی کارروائی میں پرزمین سے فضا میں مارکرنے والے پیٹریاٹ میزائل استعمال کئے۔کارروائی متحدہ عرب امارات کی فورسزکے ساتھ مشترکہ طورپرکی گئی۔پریس سیکریٹری کا مزید کہنا تھا کہ امریکی صدرجوبائیڈن نے وزیردفاع کو متحدہ عرب امارات اورسعودی عرب کوحوثی باغیوں کیخلاف ہرممکن مدد فراہم کرنے کے احکامات دئیے تھے۔انہوں نے مزید کہا کہ امریکا متحدہ عرب امارات کے ساتھ قریبی رابطے میں ہے اورمل کرکام کررہا ہے۔تمام خطرات کا متحدہ عرب امارات اوراس کے لوگوں کا تحفظ یقینی بنائیں گے۔