اسلام آباد(نیوز ڈیسک )پاکستان کی خوبرو با صلاحیت اداکارہ سجل علی نے شادی کے ایک سال بعد سوشل میڈیا پر شوہر، معروف اداکار و گلوکار احد رضا میر کے ہمراہ خوبصورت تصویر شیئر کر دی ہے۔پاکستان شوبز انڈسٹری سے تعلق رکھنے والی معروف فنکار جوڑی احد رضا میر اور سجل علی کی شادی کو ایک ایک سال ہو گیا ہے، سجل علی کی جانب سے اپنے انسٹا گرام اکاؤنٹ پر اپنی شادی کی یاد تازہ کرتے ہوئے ایک اسٹوری شیئر کی گئی ہے۔سجل علی نے اپنی شادی کی خوبصورت تصویر کو انسٹااسٹوری پر اپلوڈ کرتے ہوئے ساتھ میں ’ہوم‘ بھی لکھا ہے۔واضح رہے کہ سجل علی اور احد رضا میر گزشتہ سال کورونا لاک ڈاؤن کے دوران بیرون ملک چند قریبی دوستوں اور فیملی کے درمیان سادگی سے رشتہ ازدواج میں منسلک ہو گئے تھے۔