اسلام آباد(نیشنل ٹائمز)بالی ووڈ اداکار بونی کپور اور آنجہانی اداکارہ سری دیوی کی بیٹی خوشی کپور کورونا وائرس کا شکار ہوگئی ہیں۔بھارتی میڈیا کی رپورٹ کے مطابق، خوشی کپور کا کورونا ٹیسٹ مثبت آیاہےجس کے بعد اُن کی بہن اداکارہ جھانوی کپور اور والد بونی کپور نے بھی خود کو گھر میں قرنطینہ کرلیا ہے۔تاہم، فی الحال یہ واضح نہیں ہے کہ جھانوی کپور اور بونی کپور کا بھی کورونا ٹیسٹ مثبت آیا ہے یا نہیں۔البتہ ایک دن پہلے، جانوی کپور نے اپنے انسٹاگرام اکاونٹ پر اپنی چند تصاویر پوسٹ کی تھیں۔ان تصاویر میں سے ایک تصویر میں جھانوی کپور نےاپنے منہ میں تھرمامیٹر رکھا ہوا تھاجس سے یہ ضرور ظاہر ہوتا ہے کہ وہ بیمار ہیں۔واضح رہے کہ کورونا وائرس اور اومی کرون میں اضافے کی وجہ سے بھارتی ریاست مہاراشٹر میں اسکول اور کالج 15 فروری تک بند رکھنےکا فیصلہ کیا گیا ہے۔بھارتی میڈیا کے مطابق مہاراشٹر میں سوئمنگ پول اور جم پیر سے بند کر دیے جائیں گے، جبکہ دفاتر میں ملازمین کی حاضری 50 فیصد تک محدود کر دی گئی ہے۔مہاراشٹر کے نجی دفاتر میں مکمل ویکسینیشن والوں کو ہی آنے کی اجازت ہوگی۔