اسلام آباد (نیشنل ٹائمز)امریکی صدر جو بائیڈن نے گزشتہ روز انتقال کرجانے والی اداکارہ بیٹی وائٹ کو خراج عقیدت پیش کیا ہے۔جو بائیڈن نےمائیکروبلاگنگ ویب سائٹ ٹوئٹر پر بیٹی وائٹ کے کیریئر اور اداکارانہ صلاحیتوں کی تعریف کی ہے۔انہوں نے اپنے ٹوئٹ میں لکھا کہ’بیٹی وائٹ امریکیوں کی نسلوں کےہونٹوں پر مسکراہٹ لائیں‘۔انہوں نے مزید لکھا کہ’وہ ایک ثقافتی شبیہہ ہیں جنہیں ہمیشہ یاد رکھا جائے گا‘۔جو بائیڈن نے بیٹی وائٹ کے خاندان سے ہمدردی کا اظہار کرتے ہوئے لکھا کہ’ اس نئے سال کی شام کو وہ اور جل بائیڈن ، وائٹ کے خاندان اور ان تمام لوگوں کے بارے میں سوچ رہے ہیں جوکہ اُن سے پیار کرتے تھے‘۔واضح رہے کہ چھ دہائیوں تک ٹیلی وژن اسکرین پر’گولڈن گرل‘ کے نام سے راج کرنے والی امریکی ٹی وی ٹاک شو کی میزبان بیٹی وائٹ 99 برس کی عمر میں انتقال کر گئی ہیں۔امریکی ٹی وی ٹاک شو کی میزبان بیٹی وائٹ 99 برس کی عمر میں انتقال کرگئیںگولڈن گرل اداکارہ سے مشہور معروف کامیڈین بیٹی وائٹ اپنی 100ویں سالگرہ سے چند روز قبل انتقال کرگئیں۔ وہ 17 جنوری کو اپنی زندگی کی ایک صدی پوری کرنے والی تھیں۔انہوں نے اپنے کیریئر کا آغاز 1939 میں کیا تھا اور متعدد شوز میں میزبانی کے فرائض بھی سر انجام دیے۔