سلام آباد (نیشنل ٹائمز) وفاقی حکومت کا ریکوڈک اور اس کے استحصال و ترقی پر اٹھنے والے تمام اخراجات کا بوجھ اٹھانے کا اعلان۔ حکومتِ بلوچستان کی ایماء پر ریکوڈک اور اس کے استحصال و ترقی پر اٹھنے والے تمام اخراجات کا بوجھ وفاقی حکومت اٹھائے گی۔ تفصیلات کے مطابق وزیر اعظم عمران خان نے اعلان کیا ہے کہ ریکوڈک اور اس کے استحصال و ترقی پر اٹھنے والے تمام اخراجات کا بوجھ تحریک انصاف کی حکومت اٹھائے گی۔سماجی رابطے کی ویب سائیٹ ٹوئیٹر پر جاری اپنے پیغام میں وزیر اعظم عمران خان نے لکھا کہ چھوٹے صوبوں کی تعمیر و ترقی کے حوالے سے اپنی حکومت کے ویژن کی روشنی میں، میں نے فیصلہ کیا ہے کہ حکومتِ بلوچستان کی ایماء پر ریکوڈک اور اس کے استحصال و ترقی پر اٹھنے والے تمام اخراجات کا بوجھ وفاقی حکومت اٹھائے گی۔ انہوں نے لکھا کہ یہ فیصلہ صوبہ بلوچستان اور اس کےعوام کے لیے خوش حالی کے ایک نئے دور کی نوید ثابت ہوگا۔