کراچی (نیشنل ٹائمز) کاروباری ہفتے کے دوران پاکستان اسٹاک مارکیٹ بدترین مندی کا شکار ہو گئی۔ تفصیلات کے مطابق گزشتہ روز جمہ کو ختم ہونے والے کاروباری ہفتے کے دوران پاکستان پاکستان اسٹاک مارکیٹ بدترین مندی کا شکار رہی۔ 5 کاروباری ایام کے دوران پاکستان اسٹاک مارکیٹ میں مجموعی طور پر 2 ہزار 300 پوائنٹس کی گراوٹ دیکھنے میں آئی جس کی وجہ سے 100 انڈیکس 46ہزاراور45ہزار پوائنٹس کی سطح پر آگیا۔کاروباری ہفتے کے دوران 100 انڈیکس دو بالائی حدوں سے نیچے گر گیا ۔ مندی کے سبب مارکیٹ میں سرمایہ کاروں کے 356ارب روپے سے زائد ڈوب گئے اور سرمائے کا مجموعی حجم 79کھرب روپے سے گھٹ کر75کھرب روپے کی کم ترین سطح پر بند ہوا، کاروباری مندی کے سبب 66.47فیصد حصص کی قیمتیں گھٹ گئیں ۔دوسری جانب گزشتہ 5 کاروباری ایام کے دوران کرنسی مارکیٹ میں پاکستانی روپیہ بھی تنزلی کا شکار رہا۔فاریکس ایسوسی ایشن آف پاکستان کی رپورٹ کے مطابق ایک ہفتے کے دوران انٹر بینک میں روپے کے مقابلے ڈالر کی قدر میں75پیسے کا اضافہ ہوا جس سے ڈالر کی قیمت خرید 174.70روپے سے بڑھ کر 175.40 روپے اور قیمت فروخت 174.85روپے سے بڑھ کر 175.60روپے ہو گئی۔ اسی طرح 1.50روپے کے اضافے سے مقامی اوپن کرنسی مارکیٹ میں ڈالرکی قیمت خرید 176روپے سے بڑھ کر177.50روپے اورقیمت فروخت176.50روپے سے بڑھ کر178روپے پر ہو گئی ۔ زیر تبصرہ مدت میں یوروکی قدر میں 1روپے کا اضافہ ریکارڈ کیا گیا جس سے یورو کی قیمت خرید 196.50روپے سے بڑھ کر198روپے اور قیمت فروخت 199روپے سے بڑھ کر200روپے ہو گئی۔ جبکہ 1روپے کی کمی سے برطانوی پاونڈ کی قیمت خرید 234 روپے سے کم ہو کر232.50 روپے اور قیمت فروخت 237 روپے سے کم ہو کر 236 روپے پر آگئی۔