لاہور (نیشنل ٹائمز )لاہور میں سٹیج اداکارہ شیزا بٹ کی گاڑی پرفائرنگ کا خوفناک واقعہ پیش آیا ہے ،گولیاں لگنے سے گاڑی کو نقصان پہنچا تاہم شیزابٹ محفوظ رہیں۔پولیس کے مطابق اسٹیج اداکارہ شیزا بٹ کی کارپر نصیرآباد کے علاقے میں فائرنگ کی گئی، گولیاں لگنے سے گاڑی کو نقصان پہنچا تاہم اداکارہ خوش قسمتی سے محفوظ رہیں۔پولیس نے شیزابٹ کے بھائی راشد علی کی مدعیت میں 2 نامزد اور 2 نامعلوم افراد کے خلاف مقدمہ درج کرکے تفتیش شروع کردی ہے۔ایف آئی آر میں الزام لگایا گیا کہ ملزمان عبدالحمید عرف مٹھو بٹ اور راو¿ ذوالفقار، شیزا بٹ کو اپنے اسٹیج ڈراموں میں کام کرنے پر مجبور کرتے اور موبائل فون پر دھمکیاں دیتے تھے۔ سی سی پی او لاہور نے واقعے کا نوٹس لیتے ہوئے رپورٹ طلب کرلی ہے۔