نیومیکسیکو (نیشنل ٹائمز )امریکی ریاست نیو میکسیکو میں فلم کی شوٹنگ کے دوران اداکار ایلیک بیلد ون سے حقیقت میں گولی چل گئی۔ اس واقعے میں ایک بیالیس سالہ کیمرا وومین ہیلینا ہِچنس کی موت ہوگئی اور فلم کے ہدایت کار جول سوزا بھی زخمی ہوگئے، امریکی میڈیا کے مطابق میکسیکو میں فلم کی شوٹنگ چل رہی تھی کہ اس دوران حادثاتی طور پر گولی چل گئی جس کے نتیجے میں موقع پر موجود ایک خاتون ہلاک اور ایک شخص زخمی ہوگیا۔میڈیا رپورٹس کے مطابق ہلاک ہونے والی خاتون ہیلینا ہچنس ڈائریکٹر فوٹوگرافی تھیں۔پولیس نے ایک بیان میں بتایاکہ اس واقعے میں ایک بیالیس سالہ کیمرا وومین ہیلینا ہِچنس کی موت ہوگئی اور فلم کے ہدایت کار جول سوزا بھی زخمی ہوگئے،جول ایک مقامی ہسپتال میں زیرعلاج ہیں۔ یہ واقعہ نیو میکسیکو میں بونانزا کریک رینچ میں رسٹ نامی فلم کے سیٹ پر شوٹنگ کے دوران پیش آیا۔ تریسٹھ سالہ بالڈون اس فلم میں مرکزی کردار ادا کرنے کے ساتھ ساتھ فلم کے پروڈیوسر بھی ہیں۔ سینٹا فی کی پولیس کے جانب سے مزید تحقیقات کی جارہی ہے۔