اسلام آ باد(نیوز ڈیسک)امریکا کے ادارے برائے بین الاقوامی مذہبی آزادی (یو ایس سی آئی آر ایف) کا کہنا ہے کہ مذہب کی آزادی میں لباس کےانتخاب کی آزادی بھی شامل ہے۔امریکی ادارے یو ایس سی آئی آر ایف نے حکومتوں کی جانب سے مخصوص لباس کی ہدایات جاری کرنے کی سخت مخالفت کی ہے۔ادارے کے مطابق حکومتوں کو لباس کے انتخاب سے متعلق ہدایات جاری نہیں کرنی چاہئیں۔خیال رہے کہ سری لنکا کی حکومت کا اس بات پر اصرار ہے کہ مسلم خواتین کے برقع پہننے پر پابندی کی تجویز قومی سلامتی کے حوالے سے اقدام ہے جبکہ مسلمانوں کا مؤقف ہے کہ یہ ان سے امتیازی سلوک ہے۔