اسلام آ باد(نیوز ڈیسک) فلسطینی نژاد امریکی سپر ماڈل جی جی حدید نے اپنی بیٹی خائی کے چہرے کی ویڈیو انٹرنیٹ پر غیر ارادی طور پر شیئر ہوجانے کے فوراً ہی بعد ڈیلیٹ کردی۔جی جی حدید اپنی بیٹی کے حوالے سے کافی فکرمند اور حساس ہیں۔ انہوں سے گزشتہ سال ستمبر میں پیدا ہونے والی اپنی بیٹی کا چہرہ اب تک لوگوں سے چھپا کر رکھا ہوا ہے۔انسٹاگرام پر جی جی حدید نے ویڈیو پوسٹ کی جس میں ان کی بیٹی کے چہرے کی جھلک نظر آگئی تھی۔ احساس ہونے پر والدہ نے فوراً ویڈیو ڈیلیٹ کردی۔جی جی حدید کے ڈیلیٹ کرنے سے پہلے ہی ویڈیو انٹرنیٹ پر وائرل ہوگئی تھی جس کے بعد سپر ماڈل کے مداحوں کی جانب سے اپیل کی گئی ہے کہ غلطی سے شیئر ہونے والی پوسٹ کو مزید آگے نہ پھیلایا جائے۔ جی جی حدید کی ذاتی اور نجی رائے کا احترام کیا جائے اور اگر وہ اپنی بیٹی کا چہرہ کسی وجہ سے فی الحال لوگوں کو نہیں دکھانا چاہتیں تو انکی اس خواہش کا بھی احترام کیا جانا چاہیے۔